Достоинствено вработување и економски раст
Да ја зголемиме вработеноста, за економски раст!
Секоја земја треба да создаде еднакви шанси и услови за достоинствено вработување.
Зголемувањето на вработеноста директно влијае на намалувањето на сиромаштијата, но и на еднаквоста помеѓу регионите и различните општествени групи.
Преку поттикнување на одржливиот индустриски развој, технолошките иновации и претприемништвото ќе се создадат услови за целосна вработеност, со мерки за искоренување на принудната работа и достоинствени услови и надомест.
8.1. ОДРЖЛИВ ЕКОНОМСКИ РАСТ
Да се одржи економскиот раст по глава на жител во согласност со националните услови, и особено на најмалку 7 отсто пораст на бруто домашниот производ на годишно ниво во најмалку развиените земји
8.2. РАЗНОВИДНОСТ, ИНОВАЦИИ НАДГРАДБА ВО СЛУЖБА НА ЕКОНОМСКА ПРОДУКТИВНОСТ
Да се постигне повисоко ниво на економска продуктивност преку разновидност, технолошка надградба и иновации, како и преку фокус кон остварување висока додадена вредност и сектори што поттикнуваат нови работни места
8.3.ПРОМОВИРАЊЕ НА ПОЛИТИКИ КОИ ПОДРЖУВААТ НОВИ РАБОТНИ МЕСТА И РАСТ НА ПРЕТПРИЈАТИЈАТА
Да се промовираат развојно ориентирани политики што поддржуваат производствени активности, креирање пристојни работни места, претприемништво, креативност и иновации, како и да се охрабри формализацијата и растот на микро, малите и средни претпријатија, меѓу другото и преку пристап до финансиски услуги
8.4. УНАПРЕДУВАЊЕ НА ЕФИКАСНОСТА НА РЕСУРСИТЕ ПРИ ПОТРОШУВАЧКА И ПРОИЗВОДСТВО
До 2030 година прогресивно да се подобрува глобалната ефикасност на ресурсите при потрошувачка и производство, како и да се настојува да се постигне економски раст без уништување на животната средина, во согласност со 10-годишната рамковна програма за одржлива потрошувачка и производство под водство на развиените земји
8.5. ЦЕЛОСНО ВРАБОТУВАЊЕ И ЕДНАКВА ПЛАТА ЗА РАБОТА СО ИСТИ ВРЕДНОСТИ
До 2030 година да се постигне целосно и продуктивно вработување и пристојна работа за сите жени и мажи, вклучително и за младите и за лицата со попреченост како и еднаква плата за работа со иста вредност
8.6. ПРОМОЦИЈА ЗА ВРАБОТУВАЊЕ ОБРАЗОВАНИЕ И ОБУКА НА МЛАДИТЕ
До 2020 година значително да се намали процентот на млади што не се вработени, не се образуваат и не се на обука
8.7. ИСКОРЕНУВАЊЕ НА МОДЕРНОТО РОБСТВО, ТРГОВИЈА СО ЛУЃЕ И ДЕТСКА РАБОТА
Да се преземат итни и ефективни мерки за искоренување на принудната работа, да се стави крај на модерното ропство и на трговијата со луѓе и да се стави забрана и да се елиминираат најлошите форми на искористување деца за работа, вклучително и на регрутирањето и употребата на деца како војници, а до 2025 година да се стави крај на детскиот труд во сите облици
8.8. ЗАШТИТА НА РАБОТНИЧКИТЕ ПРАВА, И ПРОМОЦИЈА НА БЕЗБЕДНО РАБОТНО ОПКРУЖУВАЊЕ
Да се заштитат правата на работниците и да се промовира безбедна и сигурна работна средина за сите работници, вклучително и за работниците мигранти, особено за жените мигранти, и за оние со нестабилно вработување
8.9. ПРОМОЦИЈА НА ОДРЖЛИВ ТУРИЗАМ
До 2030 година да се изготват и да се спроведат политики за промовирање одржлив туризам којшто создава работни места и ја промовира локалната култура и производи
8.10. УНИВЕРЗАЛЕН ПРИСТАП НА БАНКАРСКИ, ОСИГУРИТЕЛНИ И ФИНАНСИСКИ УСЛУГИ
Да се зајакне капацитетот на домашните финансиски институции со цел да се поттикне и да се прошири пристапот до банкарски, осигурителни и финансиски услуги за сите
8.A. ЗГОЛЕМУВАЊЕ НА ПОДДРШКАТА "ПОМОШ ЗА ТРГОВИЈАТА "
Да се зголеми поддршката за трговија на земјите во развој, особено на најмалку развиените земји вклучително и преку Зајакната интегрираната рамка за зголемување на техничката помош во однос на трговијата за најмалку развиените земји
8.Б. РАЗВОЈ НА ГЛОБАЛНА СТРАТЕГИЈА ЗА ЗАПОСЛУВАЊЕ НА МЛАДИ
До 2020 година да се развие и да се стави во функција глобална стратегија за вработување на младите и спроведувањето на Глобалниот пакт за работни места на Меѓународната организација на трудот